Үенч сумын Иргэдийн Төлөөлөгчдийн Хурал, Соёлын төвөөс хамтран зохион байгуулсан сумын "Манлай эрчүүд" алдаршуулах ёслолын үйл ажиллагаа болж өнгөрлөө. Уг үйл ажиллагаагаар "Оюунлаг эр хүнээр Ө.Ганзориг", "Авьяаслаг эр хүнээр Б.Улаанхүү", "Хөдөлмөрч эр хүнээр З.Савитай", "Өөрийгөө ялагч эр хүнээр М.Баясгалан", "Шилдэг малчинаар А.Масилам" гэсэн 5 номинаци шалгаруулж "Манлай эрчүүд"-ээ алдаршууллаа. Шалгаруулалтыг "Үенчийнхэн" facebook групп дээр хамгийн олон коммент санал авснаар шалгаруулсан юм. Мөн сумын Иргэдийн Төлөөлөгчдийн Хурлаас баг, тавьтуудын дунд Гар бөмбөгийн тэмцээн зохион байгуулж Тэргүүн байрыг Х.Гансүх ахлагчтай "Нарийн гол" баг, Дэд байрыг Б.Отгонжаргал ахлагчтай "Харуул овоо" баг, Гуравдугаар байрыг З.Амгаланбаяр ахлагчтай "Дэнжийн мянга" баг тус тус эзэлж Өргөмжлөл, мөнгөн шагналаар шагнагдав.